Clwb Celf Ifanc Brondanw
Dydd Sadwrn cynta'r mis.
Amser : 10 - 11:30am

Pwrpas y clwb yw i rhoi cyfle i’r plant drio gwahanol ddeunyddiau, gweithio efo artistiaid profiadol a datblygu eu ymarfer celf eu hunain.

Rydym yn anelu'r clwb ar blant dros 6 oed, mae croeso mawr i rhai hŷn yn eu harddegau, mi wnawn ein gorau i addasu'r gweithgareddau i siwtio'r gynulleidfa.

Darganfod mwy

Prosiect Peintio Gyda Geiriau
Gweithdy Barddoniaeth Ecffrastig gyda Sian Northey

2 Ebrill 2025: 6pm
Bydd y bardd a'r llenor Sian Northey yn arwain y gweithdy yma yn ymateb i weithiau celf yn ein arddangosfa agored ar y thema 'Gofod'. Mae'r arddangosfa yn llawn gwaith celf gan dros saith deg o artistiaid, felly mae digon o amrywiaeth i sbarduno eich ymateb creadigol. Bydd Sian Northey yn eich tywys trwy'r broses o lunio ymateb mewn geiriau i rai o'r gweithiau hyn. Nid oes angen unrhyw brofiad blaenorol o ysgrifennu barddoniaeth, dim ond parodrwydd i arbrofi a mwynhau gwneud cysylltiadau rhwng y celf gweledol a'r gelfyddyd geiriol.

Mae'r gweithdy yma yn rhan o'n prosiect 'Peintio gyda Geiriau' o dan nawdd Llenyddiaeth Cymru. Rydym yn gweithredu polisi 'talu fel y gallwch chi' ar ddigwyddiadau fel hyn, i sicrhau bod ein profiadau yn fforddiadwy i bawb. Gallwch ddewis talu £8.50, £10.50 neu £12.50 am y gweithdy hwn.

Cymraeg fydd iaith y gweithdy hwn.

Bydd cyfle i rhannu eich gwaith, ac i glywed cerddi ac ymatebion pobl eraill yn ystod y noson meic agored ar yr 2il o Fai.

Archebu

Sesiynau Darlunio o Fywyd

Bloc 1: 04/04/2025, - 30/05/2025 - 27/06/2025: 6-8pm

Bydd model, easels a drawing boards yn cael eu darparu, ond bydd angen i chi ddod a papur a deunyddiau darlunio eich hun. Mae'r pris tocyn £30 yn cynnwys tri sesiwn, dyddiadau isod - prynnwch docyn i'r dyddiad cyntaf yn y bloc, a byddwch yn cael mynediad i'r ddau arall yn awtomatig.

Ni fydd tiwtor yn bresennol ar gyfer y sesiynau hyn, mae’n gyfle i chi ymarfer eich sgiliau darlunio a chefnogi eich gilydd fel artistiaid.

Archebu

Prosiect Peintio Gyda Geiriau
Gweithdy Barddoniaeth Ecffrastig gyda Silvia Rose

9 Ebrill 2025: 6pm
Bydd y bardd Silvia Rose yn arwain y gweithdy yma yn ymateb i weithiau celf yn ein arddangosfa agored ar y thema 'Gofod'. Mae'r arddangosfa yn llawn gwaith celf gan dros saith deg o artistiaid, felly mae digon o amrywiaeth i sbarduno eich ymateb creadigol. Bydd Silvia Rose yn eich tywys trwy'r broses o lunio ymateb mewn geiriau i rai o'r gweithiau hyn. Nid oes angen unrhyw brofiad blaenorol o ysgrifennu barddoniaeth, dim ond parodrwydd i arbrofi a mwynhau gwneud cysylltiadau rhwng y celf gweledol a'r gelfyddyd geiriol.

Mae'r gweithdy yma yn rhan o'n prosiect 'Peintio gyda Geiriau' o dan nawdd Llenyddiaeth Cymru. Rydym yn gweithredu polisi 'talu fel y gallwch chi' ar ddigwyddiadau fel hyn, i sicrhau bod ein profiadau yn fforddiadwy i bawb. Gallwch ddewis talu £8.50, £10.50 neu £12.50 am y gweithdy hwn.

Saesneg fydd iaith y gweithdy hwn.

Bydd cyfle i rhannu eich gwaith, ac i glywed cerddi ac ymatebion pobl eraill yn ystod y noson meic agored ar yr 2il o Fai.

Archebu

Rose Shuckburgh - Paentio Ysbryd a Mater y Byd Naturiol

16 Ebrill 2025: 7 pm
Arlunydd wedi'i leoli yn Llundain yw Rose Shuckburgh (g. 1997). Astudiodd Peintio MFA yn Ysgol Celfyddyd Gain y Slade, gan raddio yn 2024. Mae ei gwaith yn cofnodi bywiogrwydd y byd naturiol, gan adlewyrchu ei phrofiad ei hun o fyd natur fel rhywbeth gweithredol, llawn ysbryd. Roedd tyfu i fyny mewn mannau gwyllt – yn fwyaf nodedig tirwedd garw, gwyrddlas canolbarth Cymru wledig – wedi rhoi dealltwriaeth iddi o’r byd naturiol nid fel rhywbeth ar wahân, ond fel rhywbeth sy’n cydblethu â’i bywyd ei hun. Mae hi'n cydblethu’r themâu hyn gyda sensitifrwydd tuag at ddeunyddiau, gyda diddordeb yn y berthynas rhwng mater a'r ansylweddol.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Instagram: @roseshuckburgh

Noson Meic Agored

2 Mai 2025: 7pm
Mae croeso i unrhyw un ddod ac unrhyw ddarn o waith i'w berfformio yn y noson hon, sydd wedi ei threfnu fel rhan o'n prosiect 'Peintio gyda Geiriau' gyda chefnogaeth Llenyddiaeth Cymru. Mae croeso mawr i bobl fu'n rhan o'r gweithdai barddoniaeth ecffrastig i ddod i rhannu cynnyrch y gweithdai, sy'n ymateb yn benodol i'r arddangosfa agored ar y thema 'gofod', ond os oes gynnoch chi gân neu gerdd neu sgets neu fonolog neu berfformiad o unrhyw fath yr hoffech chi ei rhannu o flaen cynulleidfa caredig a chefnogol, dewch ac ô. Does dim rhaid i chi fod yn ymateb i'r thema 'gofod' ond os hoffech chi greu rhywbeth yn unswydd, byddai hynny'n fendigedig. Mae croeso i chi gyflwyno eich cyfansoddiad yn unrhyw iaith. Mae hefyd croeso i chi ddod i wylio a chefnogi heb berfformio, wrth gwrs.

Bydd diodydd meddal a gwin ar gael ar y noson, pris tocyn yw £7

Archebu

James Ferguson-Rose - Trac Sengl, Lle Pasio

14 Mai 2025: 7pm
Mae James Ferguson-Rose (g. 1989, Swydd Efrog, DU) yn artist sy’n byw ac yn gweithio yn Llundain, ar ôl cwblhau MA mewn Peintio yn y Coleg Celf Brenhinol yn 2023.

Cedwir ei waith mewn casgliadau preifat yn rhyngwladol, ac mae wedi’i arddangos ar draws y DU – gan gynnwys y Laing Gallery (Newcastle), Cedric Bardawil (Llundain), OHSH, Projects Concastle (London) a Newbridge Projects The Newbridge. Mae paentiadau James yn gweithio gyda’r dirwedd trwy gerdded, darlunio, ysgrifennu a chofio, gan fyfyrio ar y berthynas rhwng teithiau a lleoedd.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Gwefan: jamesfergusonrose.co.uk
Instagram: @jamesfergusonrose

Laura Phillips - 16mm Hand-Made Filmmaking

11 Mehefin 2025: 7pm
Mae Laura Phillips (g. 1986, Bryste) yn artist sy'n gweithio gyda phrosesau ffilm ffotocemegol 16mm a recordiadau maes. Yn aml yn archwilio croestoriadau cerddoriaeth weledol, ffilm estynedig, a pherfformiad, mae ei gwaith yn ymwneud â themâu darfodedigrwydd, y pethau cyffredin, a seilweithiau gwybodaeth.

Fel dysgwr sy'n methu ond yn dyfalbarhau; Mae Laura i’w chanfod yn aml ar hyd ffordd yr A44 a’r A470, yn cael ei hysbrydoli gan dirweddau a symudiadau. Mae ei champau mwyaf medrus yn cynnwys dringo Aran Fawddwy ac ennill gradd Meistr mewn Ffilm Ddogfennol, Tirwedd ac Ecoleg o Brifysgol Aberystwyth yn 2024.

Yr hydref diwethaf, ymgymerodd â Chymrodoriaeth Celfyddyd Gain Cymru Greadigol yn yr Ysgol Brydeinig yn Rhufain, lle parhaodd â’i hymarfer trwy loetran a gwrando — gan fapio’r bugeiliol, y sonig, a chefnwledydd cyfnewidiol y ddinas.

Yn ystod ei sgwrs bydd Laura yn rhannu mewnwelediad i’w hymarfer a’i phroses greadigol, gan archwilio’r dull araf, DIY o weithio gyda ffilm 16mm.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Gwefan: lauraphillips86.co.uk
Instagram: @lauraphillips86

Perlysiau Sanctaidd Prydain

15 Mehefin 2025: 4pm
Sioe chwedleua ddwyieithog sy'n ailadrodd stori Olwen ac yn plethu mytholeg, hud a lledrith, llên lysieuol a straeon gwerin.

Ymunwch â Claire Mace yng Ngerddi Plas Brondanw am ailadroddiad dwyieithog o' stori Olwen, merch y cawr yr oedd ei gwallt yn felynach na'r banadl a'i bochau'n gochach na blodau bysedd y cwn、

Ble bynnag mae'n cerdded mae'n gadael meillion gwyn o'i hôl, Hi yw arwres "Culhwch ac Olwen" stori o lawysgrifau canoloesol, Y Mabinogion,

Dyma diriogaeth Olwen, a ysbrydolwyd gan lên gwerin o bob cwr o Gymru, Plethir mytholeg, hud a lledrith, llên lysieuol, chwedlau gwerin, storiau'r coed a phlanhigion ynghyd i ddarlunio'i thirwedd.

Nodwch y bydd y digwyddiad yma yn digwydd yn yr awyr agored, a byddwn yn symud i wahanol leoliadau yn yr ardd. Gwisgwch ddillad ac esgidiau addas, a dewch a chadair, stôl neu glustog i eistedd arni os hoffech. Mae pris tocyn arferol yn £10, a tocyn i bobl di-gyflog, plant, rhai sydd wedi ymddeol etc yn £7. Maer' sioe wedi ei anelu at oedolion, ond nid yw'n anaddas i blant hŷn.

Cafodd y perfformiad chwedleua traddodiadol hwn o'r stori ei ddatblygu diolch i Wobr Esyllt gan Chwedl, rhwydwaith o chwedlwragedd yng Nghymru. Cysylltwch â Chwedl ar hello@chwedl.org

Mae dyddiadau'r daith ar www.anadlu.com

Archebu

Andrea McLean - Y Dirwedd Chwedlonol: Cyfarfod Diamser?

9 Gorffennaf 2025: 7pm
Artist gweledol wedi’i lleoli yn Swydd Henffordd yw Andrea McLean. Fel Cyfadran yr Ysgol Arlunio Frenhinol, mae hi'n dysgu'r cyrsiau Mapio: Arlunio Tirweddau Mewnol, a William Blake: Arlunio a Dychymyg. Mae ei phaentiad crwn Mappa Mundi yn hongian ger y fynedfa i'r Ystafell Fapiau yn y Llyfrgell Brydeinig. Astudiodd Andrea yn Falmouth a’r Slade, bu’n dal Ysgoloriaeth Rhufain, preswyliad yn Eglwys Gadeiriol Caerloyw, ac yn ddiweddar mae wedi arddangos ei gwaith yn Oriel Gelf Towner, bu’n siaradwr gwadd ym Mhrifysgol Middlesex, ac yng Nghanolfan Pari, Tysgani.

Mae sgwrs Andrea yn cyflwyno gwahanol ffyrdd y mae artistiaid a beirdd wedi mapio’r tirweddau y maent yn dod ar eu traws, boed y tirweddau hynny’n rhai real neu ddychmygol. Gan dynnu ar farddoniaeth a delweddaeth William Blake, a mapiau crwn canoloesol a grëwyd ar gyfer cof a phererindod, gallwn holi am natur amseroldeb fel profiad. Er bod topograffeg oesol yn amhosib yn ein byd amseryddol, mae’n bosibl y gall teithio tuag at y ddelfryd hon roi llwybrau a chyfarfyddiadau i artistiaid gan eu cysylltu â byd natur yn farddonol, ac ag artistiaid eraill eu gorffennol a’u dyfodol.

Mae’r sgwrs hon yn rhan o gyfres breswyl yr Hafod, mewn cydweithrediad â Noelle Griffiths. Mae'r sgyrsiau hyn am ddim i'w mynychu, ac nid oes angen archebu lle. Saesneg yw iaith y sgwrs hon.

Gwefan: andrea-mclean.co.uk
Instagram: @andreamclean6278

Sesiynau Darlunio o Fywyd

Bloc 2: 25/07/2025 - 22/08/2025 - 19/09/2025: 6-8pm

Bydd model, easels a drawing boards yn cael eu darparu, ond bydd angen i chi ddod a papur a deunyddiau darlunio eich hun. Mae'r pris tocyn £30 yn cynnwys tri sesiwn, dyddiadau isod - prynnwch docyn i'r dyddiad cyntaf yn y bloc, a byddwch yn cael mynediad i'r ddau arall yn awtomatig.

Ni fydd tiwtor yn bresennol ar gyfer y sesiynau hyn, mae’n gyfle i chi ymarfer eich sgiliau darlunio a chefnogi eich gilydd fel artistiaid.

Archebu

Peint a Sgwrs

trydydd nos Fercher o bob mis
7-8pm

Dewch i ymarfer eich cymraeg! Tra bod ein tafarn lleol ar gau (fydd gobeithio ddim am llawer hirach) mae Plas Brondanw yn falch o groesawu grwp o ddysgwyr Cymraeg i ymarfer unwaith y mis, o dan arweiniad Osian Rhys o menter iaith Gwynedd. Ebostiwch osian@menteriaithgwynedd.cymru am rhagor o wybodaeth. Dewch a'ch diod eich hunain.